Өзбек-Кыргыз өнүктүрүү фонду «Шоро» компаниясына ISUZU маркасындагы алгачкы 20 заманбап орто жүк ташуучу унааларды лизингге берди. Бул тууралуу фонддун маалымат кызматы кабарлады.

Жүк ташуучу унаалардын жалпы саны 20 даана болот. Бул демилге жергиликтүү экономиканы колдоого, жумуш орундарын көбөйтүүгө жана өнөр жайды өнүктүрүүгө багытталган.

Өзбекстанда жасалган ISUZU жүк ташуучу унаалары ишенимдүү жана заманбап унаалар болуп саналат, алар тез ташууларды ишке ашыра алат жана жүктөрдүн коопсуздугун камсыздайт, региондогу бизнестин өнүгүшүнө салым кошот.

Бул долбоорду ишке ашыруу Өзбекстан менен Кыргызстандын ортосундагы өз ара пайдалуу кызматташтыктын үлгүсү болуп саналат, өзбек-кыргыз өнүктүрүү фонду өлкөлөрдүн өнөр жай жана экспорттук потенциалын өнүктүрүүгө багытталган ийгиликтүү келечектүү долбоорлорду ишке ашырууга көмөк көрсөтүүгө даяр.