Президенттин Баткен облусундагы ыйгарым укуктуу өкүлү Абдикарим Алимбаев Япониянын JICA агенттигинин өкүлдөрү менен жолукту. Бул тууралуу өкүлчүлүктүн маалымат кызматы кабарлады.

Тараптар алдыда экономика, айыл чарба, социалдык тармактарда кызматташууну улантуу боюнча, жакынкы мезгилдерде ишке ашырылуучу иш чаралар планын талкуулашты.

JICA агенттигинин «Бир айыл бир продукт» долбоорунун алкагында 2023-жыл ичинде 42 продукция чыгаруу пландаштырылды. Бул азыктар экологиялык жактан таза, натуралдуу, уникалдуу продукциялар болууга тийиш.

Азыркы учурда Баткен облусунда «Бир айыл-бир продукт»  долбоорунун 24 өндүрүүчүсү бар жана алар продукциянын 44 түрүн өндүрүп, сатыкка чыгарышты. Алар: кургатылган өрүк кагы, өрүк компоту, сиробу, өрүк данегинен даярдалган косметикалык май жана скраб, желе, мармелад, токочтор ж б.