Улуттук банк Баткен областындагы ишкерлерди колдоо жана маалымдоо форматында 2023-жылдын 26-сентябрь күнү Баткен шаарында өткөн «Баткен областынын ишкерлери үчүн бизнес жумалыгы» иш-чарасына катышты. Бул тууралуу КРУБ билдирди.

Маалыматка ылайык, иш-чарага өнүктүрүү фондуларынын (Россия-Кыргыз Ɵнүктүрүү фонду, Венгер-Кыргыз Ɵнүктүрүү фонду, Өзбек-Кыргыз Ɵнүктүрүү фонду), коммерциялык банктардын, банк эмес финансы-кредит уюмдарынын өкүлдөрү жана Баткен областынын ишкерлери катышты.

Иш-чаранын жүрүшүндө ар түрдүү темада суроо-жооптор болду. Финансы-кредит уюмдарынын кредиттик продукттардын жармаңкеси уюштурулду, ишкерлер маалымат алууга, өнүктүрүү институттарынын жана финансы-кредит уюмдарынын методикасы жана практикалык инструменттери менен таанышууга абдан кызыкдар болушту.