Эми Бишкектин жашоочулары Яндекс Go тиркемесинен электр самокаттарды ижарага ала алышат.

Самокатты ээлеп койгондон кийин ага чейин жетүү үчүн колдонуучулар 10 мүнөт акысыз убакыт ала алышат. Сапардын баасы бир мүнөткө 8 сомдон башталат. Төлөм Яндекс Go тиркемесине байланган картадан алынат. Ыӊгайлуу болсун үчүн 1 же 6 айга - 150 жана 599 сомго 20% арзандатууну кошуп алууга мүмкүндүк бар.

Ижарага алуу үчүн Ninebot Max Plus самокаттары жеткиликтүү, алардын эӊ жогорку ылдамдыгы саатына 25 км түзөт. Самокаттар эл көп жүргөн зонада ылдамдыгын автоматтык түрдө акырындык менен азайтат. Мындай “жай жүрүү зоналары” шаар бийлиги менен макулдашуу боюнча аныкталат. Булар жөө адамдар көп жүргөн мектептердин, бала бакчалардын айланасы жана аянттар. Самокат тебүүгө тыюу салынган зоналарда ал өз ылдамдыгын акырындык менен жайлатып, нөлгө чейин түшүрөт.

Биринчи сапарга чыгуу алдында тиркемеден самокатты кантип башкаруу жана коопсуз жол жүрүү керектиги жөнүндө кыскача жана жөнөкөй нускама чыгат. Колдонуучулар сапардын коопсуз маршрутун түзө алышат, ал эми “Алиса” үн жардамчысы жолго чыгуу алдында маанилүү эрежелер жөнүндө эскертет: мисалы жол жүрүп бара жатканда кулакчын менен музыка угууга болбойт, ал эми жолду кесип өтүүдө самокаттан түшүп, рулунан кармап, жөө жетелеп өтүү зарыл.

“Бишкекте электр самокаттары шаар ичинде жүрүүгө ыӊгайлуу жана экологиялык таза чечим болушу жана трафикти жеӊилдетүүгө жардам бериши мүмкүн. Бирок аларды натыйжалуу колдонуу үчүн коопсуздук эрежелерин жакшы сактоо зарыл. Андыктан биз тиркемеде самокаттарды коопсуз пайдалануунун эрежелери жөнүндө дайыма эскертип турабыз”, – дейт Кыргызстандагы Яндекс Go компаниясынын жетекчиси Тилек Сулайманов.

Электр самокаттарын коопсуз жана ыӊгайлуу башкаруу үчүн аны бир гана киши айдашы керек. Ал эми бир аккаунттан бир учурда үчкө чейин самокатты ээлеп коюуга болот. Досуӊ үчүн дагы бир самокатка буйрутма берүү да абдан ыӊгайлуу кызмат. Бир нече самокатты эки жол менен ижарага алууга болот: ал үчүн "Дагы бир самокат" баскычын басуу же самокаттын корпусундагы QR-кодду сканерлөө керек.

Бишкекте виртуалдык токтотмолорду пайдалануу менен электр самокаттарын ижаралоо системасы ишке киргизилген. Электр самокаттарынын орду картадан көрүнүп турат. Аларды ошол жерлерден ижарага алууга жана виртуалдык токтотмолорго калтырып коюуга болот.

Бардык каалоочулар Яндекс Go тиркемесин акыркы версияга чейин жаӊылоо менен самокат ижаралоо сервисин колдоно алышат. Аларды 18 жаштан ижарага алууга жана айдоого болот. Колдонуучулардын Яндекс Go самокаттарын тээп жүргөн учурдагы өмүрү жана ден соолугу камсыздандырылган.