Бизнес

Япония Кыргызстандагы ишкерлер үчүн кандай мүмкүнчүлүктөрдү сунуштады?

Айгерим Качкынбекова

17 мар. 2026 16:40

28-февралдан 4-мартка чейин Кыргызстанда Япония делегациясынын иш сапары болуп өттү. Делегацияны Тотиги префектурасынын Кредиттик кепилдик корпорациясынын директору Кацуми Анзай жетектеди. Бул тууралуу "Кепилдик фонд" ачык акционердик коомунан билдиришти.

Сапардын негизги максаты — кредиттик кепилдик системалары боюнча тажрыйба алмашуу жана чакан, орто бизнести колдоо багытында кызматташууну өнүктүрүү.

Делегация "Кепилдик Фонд" ААКсына барып, фонддун ишмердүүлүгү менен таанышты. Башкармалыктын төрагасы Малик-Айдар Абакиров ишкерлерге кредиттик жеткиликтүүлүктү кеңейтүү жана кепилдик инструменттеринин ролу тууралуу маалымат берди.

Ошондой эле тараптар кредиттик-кепилдик механизмдерди өнүктүрүү, тажрыйба алмашуу жана кызматташууну кеңейтүү маселелерин талкуулашты.

Япон делегациясы финансы министри Алмаз Бакетаев жана Экономика жана коммерция министрлигинин өкүлдөрү менен да жолугушту. Анда чакан жана орто бизнести колдоо жана каржылык инструменттерди өнүктүрүү маселелери каралды.

Японияда кредиттик кепилдик системасы өнүккөн. Өлкөдө 51 корпорация иштеп, кепилдик көлөмү кредиттин 80%ына чейин жетет. 2024-жылы 1,49 миллионго жакын ишкана бул колдоодон пайдаланган.

Жыйынтыгында тараптар кызматташууну улантуу жана эл аралык тажрыйбаларды киргизүү Кыргызстанда ишкердикти колдоону күчөтөрүн белгилешти.

Мындан тышкары окуңуз

Кыргызстанда банк секторунун таза кирешеси январда 2 млрд 241 млн сом болду

Кыргызстанда 2026-жылдын январь айынын жыйынтыгы боюнча банк секторунун таза кирешеси 2 млрд 241 млн сомду түзгөнүн Улуттук банкынын отчетунда айтылат. Көрсөтүлгөн мезгилде өлкөдө 23 коммерциялык банк жана алардын 306 филиалы иш алып барган. Банк секторунун жалпы активдери 2025-жылы декабрь айына салыштырмалуу 10,7%га өсүп, 1 трлн 340,7 млрд

Өкмөт облигацияларды чыгаруу жана жүгүртүү тартибин бекитти

Министрлер Кабинети Кыргыз Республикасында облигацияларды чыгаруу жана жүгүртүү жөнүндө жобону бекитүү тууралуу токтом кабыл алды. Документке Министрлер Кабинетинин төрагасы Адылбек Касымалиев кол койду. Жаңы жобо облигацияларды чыгаруу, жайгаштыруу, жүгүртүү жана жоюу тартибин аныктоого багытталган. Ошондой эле облигациялар менен байланышкан мамилелерди бирдей жөнгө салуу жана инвесторлордун укуктарын коргоо максатын көздөйт. Бул

Профсоюз көчөсүндө мыйзамсыз объектилерди демонтаждоо уланууда

Бишкек шаарында Профсоюз көчөсүнүн уландысын куруу долбоорунун алкагында жол курууга тоскоол болгон объектилерди демонтаждоо иштери жүрүүдө. Бул тууралуу муниципалитеттен билдиришти. Бишкек шаарынын мэриясынын Жер пайдаланууну контролдоо башкармалыгы көчөнүн эки тарабында муниципалдык аймакка чыгып кеткен объектилерди аныктап, алып салуу иштерин улантууда. Акыркы бир жума ичинде төмөнкү объектилер демонтаждалды: * капиталдык тосмолор — 58

Кыргызстандагы эки коммерциялык банкка айып пул салынды

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн эки коммерциялык банкка Улуттук банк тарабынан атайын чара колдонулду. Улуттук банк тараткан расмий маалыматка караганда, ар бир коммерциялык банкка 55 000 сом өлчөмүндө айып пул салынды. Бирок, маселе кайсыл коммерциялык банк жана кандай мыйзам талаптарын