Мамлекеттик мүлк фонду 2023-жылы “Альфа Телеком” ЖАКты (MegaCom уюлдук оператору, мамлекеттин үлүшү – 100%) сатуу маселесин карап жатат. Бул тууралуу Жогорку Кеңештин депутаттарына аталган фонддун жетекчиси Мирлан Бакиров билдирди, деп маалымдайт 24.kg.

Анын айтымында, учурда уюлдук оператордун наркы 14 млрд 15 млн сомго (КР Улуттук банкынын учурдагы курсу боюнча 165 млн доллар) бааланат. Акыркы бааны баалоочу компания аныктайт.

«Долбоорду өзгөртүү боюнча дагы деле сунуштар түшүп жатат. 2023-жылы кабыл алынган мыйзамдын негизинде сатыкка чыгарабыз. Бул аукцион же конкурс болушу мүмкүн. Улуттук банк да ага катыша алат», – деп Бакировдун айтканын Kaktus.media билдирди.