Минкаб суу тармагындагы аймактын кызыкчылыгын көздөгөн креативдүү идеяларды күтөт
Суу – дүйнөлүк актуалдуу тема. Ошол себептүү аймактын кызыкчылыгын көздөгөн креативдүү идеяларды күтөбүз. Бул тууралуу Бишкек суу форумунун алкагында министрлер кабинетинин төрагасы Акылбек Жапаров айтты.
Жапаров климат өзгөрүп жаткан учурда, коопсуз ичүүчү сууга, санитарияга жана гигиенага жетүү адамдын ден соолугу жана бакубат жашоосу үчүн эң негизги муктаждыгына айланганын белгиледи.
«Дүйнө жүзү боюнча 2 млрдга жакын адам ичүүчү сууга жетпей, дүйнө калкынын 40 пайызы суунун тартыштыгынан жапа чегип келет. Сууну керектөөнүн 70%га жакынын айыл чарбасы түзөт. Белгилүү болгондой, Борбор Азия өлкөлөрү дагы агрардык мамлекет. Адамзаттын сууга болгон суроо-талабы өсүүдө жана ал 2050-жылга карата 40 пайыздан ашык көбөйөт деп болжолдонууда», – деди ал.
Дүйнөлүк тарыхта суу – гүлдөгөн улуу цивилизациялардын тарыхын түзгөнүн билгилеген минкаб төрагасы, бүгүн жогорку технологиялык 21-кылымдасуу – өнүгүүнүн башаты болуу позициясын жоготкон жок – бүгүн дагы бирөө ичээрге суу таппай жүргөн доор. Демек, суу – дүйнөлүк актуалдуу тема. Ошол себептүү бүгүнкү Бишкек суу форумунун алкагында, аймактын кызыкчылыгын көздөгөн креативдүү идеяларды күтөбүз, деп сөзүн жыйынтыктады Акылбек Жапаров.
