Кыргызстандын ички чарба каналдарды оңдоп-түзөөгө 600 млн доллар керек
Кыргызстандын ички чарба каналдарды оңдоп-түзөөгө 600 млн доллар керек. Бул тууралуу Суу ресурстары кызматынын директору Алмазбек Сокеев ЖМК менен маегинде айтып берди.
Анын айтымында, азыртан кургукчылга даярдык көрүлүп, бул багыттагы башталган реформаларды, курулуштарды жыйынтыктап жетишүү зарыл.
«Быйыл дагы миллиард сомго чукул каражат каралары болжолдонуп, анын 30% бөлүндү. Бир катар канал, суу сактагычтардын курулушу жүрүп жатат же башталуу алдында турат. Болгону бул багыттагы кадрлардын жетишсиздиги көйгөй жаратууда», - деди Сокеев.
2022-жылы 951 млн сом бөлүнүп миң чакырым канал тазаланса, 250 чакырымы оңдоп-түздөлдү. Насостук станциялардагы 300 агрегаттын 56сы алмаштырылып, ирригацияны жакшыртуу иштери дагы да улантылууда.
