Экономика

Өкмөт Майлуу-Суу чакан ГЭСин куруу долбоорун талкуулады – долбоордун баасы 35 млн доллардан ашуун

Сапар Акунбеков

Өкмөт Майлуу-Суу чакан ГЭСин куруу долбоорун талкуулады – долбоордун баасы 35 млн доллардан ашуун

Министрлер кабинетинин төрагасынын орун басары Бакыт Төрөбаев Жалал-Абад облусунун Ноокен районунда Майлуу-Суу чакан ГЭСин куруу жана эксплуатациялоо долбоорун ишке ашыруу боюнча тиешелүү мамлекеттик мекемелердин өкүлдөрү жана каржы институттарынын катышуусунда жыйын өткөрдү. Бул тууралуу минкабдын маалымат кызматы билдирди.

Жыйында Майлуу-Суу чакан ГЭСин куруу үчүн биргелешип каржылоо маселеси каралды. Тагыраагы бул долбоорду ишке ашыруу үчүн Кыргыз Республикасынын Финансы министрлигинин алдындагы финансы-кредиттик фонду, «Майлуу-Суу лампа заводу» ААКсы, Евразия өнүктүрүү банкы жана Кыргыз-орус өнүктүрүү фонду ортосунда биргелешип каржылоо каралууда.

Белгилей кетсек, долбоордун болжолдуу баасы 35 млн доллардан ашуун. Курулуш иштерин 2-2.5 жылдын ичинде бүтүрүү пландалууда. Долбоор ишке ашырылса, анын жалпы кубаттуулугу 26 МВтты түзөт жана жылына орточо 108 млн кВт саат электр энергиясын иштеп чыгууну болжолдойт.

Жаңылыктар биздин Телеграмм каналда

Мындан тышкары окуңуз

15-сентябрда окуу жылы башталат: мектептерде коопсуздук күчөтүлөт

15-сентябрда окуу жылы башталат: мектептерде коопсуздук күчөтүлөт

15-сентябрда Кыргызстанда 2026-2027-окуу жылы башталат. Ушуга байланыштуу билим берүү мекемелеринин айланасында коомдук тартипти жана коопсуздукту камсыз кылуу чаралары күчөтүлөт. Бул тууралуу Ички иштер министрлигинин басма сөз кызматы билдирди. Маалымдалгандай, ИИМ Агартуу министрлиги менен биргеликте окуучулардын коопсуздугун камсыз кылуу иштерин жүргүзөт. Ички иштер органдарынын кызматкерлери жол кыймылынын эрежелеринин
Ошто мөмө-жемиштерди тоңдуруучу борбор ачылды

Ошто мөмө-жемиштерди тоңдуруучу борбор ачылды

Ош облусунун Төлөйкөн айылында "Азия Органикс" ЖЧКсынын мөмө-жемиштерди шоктук тоңдуруу жана сактоо багыты боюнча соода-логистикалык борбору пайдаланууга берилди. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди. Борбор "Ош облусунун жана Ош шаарынын региондук экономикалык өнүгүүсү" долбоорунун алкагында ишке ашырылды.
Кыргызстан Корея менен өнөр жай кызматташтыгын күчөтөт

Кыргызстан Корея менен өнөр жай кызматташтыгын күчөтөт

Экономика жана коммерция министри Бакыт Сыдыков "Борбордук Азия – Корея Республикасы" форматындагы өнөр жай министрлеринин биринчи жыйынына катышты. Бул тууралуу министрликтин басма сөз кызматы кабарлады. Маалыматка караганда, жыйында тараптар өнөр жай кооперациясы, өндүрүштү локалдаштыруу, минералдык чийки затты терең кайра иштетүү, индустриалдык парктарды өнүктүрүү, транспорт жана логистика багыттарындагы кызматташтыкты талкуулашты.
Эскертүү! 16-сентябрда Бишкектин айрым аймактарында суу болбойт

Эскертүү! 16-сентябрда Бишкектин айрым аймактарында суу болбойт

"Бишкексууканал" муниципалдык ишканасы ичүүчү сууну пландуу өчүрүү 15-сентябрдан 16-сентябрга жылдырылганын билдирди. Маалыматка ылайык, суу берүү 16-сентябрда саат 09:00дөн 19:00гө чейин оңдоп-түзөө иштерине байланыштуу токтотулат. Өчүрүү Достоевский, Анкара, Ауэзов көчөлөрү жана темир жол менен чектелген аймакты, ошондой эле "Алтын-Ордо", "