Токтогул суу сактагычындагы суунун көлөмү 10.5 млрд кубометрден ашты

13-июлга карата Токтогул суу сактагычындагы суунун көлөмү 10 млрд 544 млн кубометрди түздү. Бул тууралуу маалымат «Электр станциялары» ишканасынын расмий сайтында жарыяланды.

Мекеме билдиргендей, суу сактагычка суунун агып кириши агымдан ашат. Суунун агып кириши секундасына 615 м³, чыгымы 442 м³ деңгээлинде.

Быйыл Токтогул суу сактагычында суунун деңгээли былтыркыдан төмөн бойдон калып, суу сактагычтын өзү жай толуп жатканын кошумчалайбыз. Бул коомчулукта, массалык маалымат каражаттарында, жада калса депутаттарда да суроолорду жаратууда.