Азербайжан менен Кыргызстандын ортосундагы соода жүрүшү бир жылда төрт эсеге өстү
2023-жылдын алты айында Азербайжан менен Кыргызстандын ортосундагы товар жүгүртүү 17 млн доллардан ашты, бул 2022-жылдын биринчи жарымына салыштырмалуу төрт эсеге көп. Бул тууралуу Азербайжандын вице-премьер-министри Али Жавад оглы Ахмедов кыргыз-азербайжан өкмөттөр аралык комиссиясынын отурумунда билдирди.
Жолугушууда ал өткөн жылы эки өлкөнүн ортосундагы соода жүгүртүү 19%га өсүп, 10.8 млн долларды түзүп, пандемияга чейинки деңгээлден ашып кеткенин айтты.
Белгилей кетсек, Азербайжандын ММКлары Азербайжандын Мамлекеттик бажы комитетинин маалыматына ылайык, отчеттук мезгилде өлкөдөн Кыргызстанга дээрлик 14.9 млн долларлык продукция экспорттолгон, бул 2022-жылдын ушул мезгилине салыштырмалуу 15 эсеге көп.
Ошол эле учурда Кыргызстандын Азербайжанга экспорту 2023-жылдын биринчи жарымында 2.1 млн доллардан ашык болсо, өткөн 2022-жылы экспорт 3.2 млн долларды түзүп, 33%га азайган.
