Экономика

Кытайдын Сиань шаарында соода үйүнүн ачылышы мүмкүн

Сапар Акунбеков

18 сент. 2023 10:50

2023-жылдын 16-сентябрында Экономика жана коммерция министрлигинин алдындагы Соода өкүлү Жусубали Төрөмаматов Сиань шаарынын Цин Нианлу кварталынын жетекчилиги – Ху Цян менен сүйлөшүүлөрдү өткөрдү. Бул тууралуу Экономика министрлиги билдирди.

Жолугушууда соода өкүлү Кыргызстандын экспорттук потенциалына токтолуп, Кыргызстан экологиялык жактан таза продукциялары менен сыймыктана тургандыгын белгиледи. Ал Сиань шаарындагы Соода үйүнүн ачылышы кыргыз продукциясын Кытайда онлайн жана оффлайн режиминде сатуунун биринчи кадамы болот деген оюн билдирди. Бул Соода үйү кытайлык керектөөчүлөр үчүн кыргыз өндүрүүчүлөрү менен түз байланыш түзүү үчүн аянтча болуп кызмат кылат, ошондой эле эки өлкөнүн ортосундагы электрондук сооданын өнүгүшүнө түрткү болот.

Өз кезегинде Сиань шаарынын Цин Нианлу кварталынын жетекчилиги бул квартал Сиань шаарынын так ортосунда жайгашканын жана Кытайдын накта борбору экенин белгиледи. Ал ошондой эле акыркы 3 айдын ичинде Сианга 400 миллиондон ашык ички турист келгенин маалымдады.

Мындан тышкары, Кытай тарап Кыргызстандын соода үйү ачыла турган жайды көрсөттү. Жалпы аянты 200 кв.м. болуп саналат. Бардык керектүү инфраструктурасы жакын жерде жайгашкан. Ал ошондой эле бул долбоорду ишке ашыруу үчүн Соода өкүлчүлүгүнө керектүү жардам жана колдоо көрсөтүлөөрүнө ишендирди. Ал эми эң кыска мөөнөттө Соода үйү ачылат.

Мындан тышкары окуңуз

Ветеринардык дарыканаларга текшерүү жүргүзүлдү

Ветеринардык жана фитосанитардык көзөмөл кызматынын региондук башкармалыктарынын инспекторлору жана Ветеринария, мал чарбасын өнүктүрүү, жайыт жана тоют кызматынын адистери - Нарын, Ош жана Жалал-Абад облустарында, ошондой эле Ош жана Нарын шаарларында ветеринардык дарыканаларга мониторинг жүргүзүштү. Мониторингдин жүрүшүндө ветеринардык дары-дармектердин сатылышы жана сакталуусу, дарыканалардын тиешелүү реестрлерге катталуусу жана мыйзам талаптарынын сакталышы

ЖКтин депутаттары Малайзиядагы парламенттик форумга катышышты

Жогорку Кеңештин депутаттары Эльвира Сурабалдиева жана Болотбек Борбиев Малайзиянын борбор калаасы Куала-Лумпурда өткөн Азия парламентарийлеринин калк жана өнүгүү боюнча форумунун (AFPPD) жылдык конференциясына катышты. ЖКтин басма сөз кызматынын маалыматына ылайык, Эльвира Сурабалдиева AFPPDдин Аткаруу комитетинин 102-жыйынына катышып, Түштүк-Чыгыш жана Борбордук Азия өлкөлөрүнүн баяндамалары боюнча сессияга төрагалык кылды.

Таласта базарлар жана айрым соода түйүндөрү эки күнгө жабылат

Талас шаарында 10–11-сентябрь күндөрү борбордук базар жана бир катар соода түйүндөрү убактылуу жабылат. Бул тууралуу Талас шаарынын мэриясынан билдиришти. Мэриянын маалыматына ылайык, чектөө санитардык иштерге байланыштуу киргизилүүдө. Эки күнгө кийим-кече, курулуш материалдары жана автоунаа тетиктери сатылган дүкөндөр, ошондой эле дөңгөлөк оңдоочу жайлар жана башка соода түйүндөрү жабылат.

Бажы кызматынын өкүлдөрү кармалды

КР УКМК КР Министрлер Кабинетинин алдындагы Мамлекеттик бажы кызматынын Түштүк аймагы боюнча ички иликтөө департаменти менен биргеликте КР Кылмыш-жаза кодексинин “Кызмат абалынан кыянаттык менен пайдалануу” беренеси боюнча козголгон кылмыш ишин тергөөнүн алкагында, Мамлекеттик бажы кызматынын "БИМИ Ош сервис" бажылык тариздөө пунктун текшерүү тобунун инспекторлорун (К.У.Т.