Экономика

Армениялык "Ташир" компаниялар тобу электр энергетикасы тармагында кызматташууга кызыкдар

Сапар Акунбеков

21 сен 2023 15:17

Бүгүн, 21-сентябрда Кыргыз Республикасынын Энергетика министри Таалайбек Ибраев менен "Ташир" компаниялар Тобунун биринчи вице-президенти Карен Дарбиняндын ортосунда меморандумга кол коюлду. Бул тууралуу министрлик билдирди.

Меморандум КРнын аймагында чакан ГЭСтердин, күн электр станцияларынын технологияларын колдонуу менен электр энергиясын генерациялоо, бөлүштүрүүчү тармактар үчүн электр тармактык жабдууларды өндүрүү жана электр энергетикасы чөйрөсүндө консультациялык-башкаруу кызматтарын көрсөтүү жаатында кызматташууга багытталган.

Энергетика министри Таалайбек Ибраев меморандум Кыргызстанда күн жана гидроэлектрстанцияларын курууда жана эксплуатациялоодо заманбап технологияларды киргизүү, ошондой эле электр энергиясын бөлүштүрүү секторун оптималдаштыруу жана электр тармактардагы жоготууларды азайтуу жаатында тыгыз кызматташууга негиз болот деп ишеним билдирди.

Кол коюу аземинин жүрүшүндө тараптар пикир алмашып, эки өлкө ортосундагы электр энергетикасы тармагындагы маселелердин кеңири спектри боюнча кызматташуунун келечегин талкуулашты.

Маалымат үчүн: "Ташир" компаниялар Тобу — Армениядагы эң ири диверсификацияланган өнөр жай-курулуш топторунун бири, анын курамына экономиканын жана энергетиканын ар кандай тармактарында иштеген 200гө жакын компаниялар жана ишканалар кирет.

Мындан тышкары окуңуз

Бишкек Аренанын жанына 2,5 миңден ашык бадал отургузулду

Германиянын Эл аралык кызматташтык коомунун (GIZ) өкүлчүлүгүнөн билдиришкендей "Бишкек Арена" стадионунун жанындагы 750 чарчы метр аянтка 58 чынар жана 2,5 миңден ашык декоративдүү бадалдар менен көп жылдык өсүмдүктөр отургузулду. Акцияга мамлекеттик мекемелердин, эл аралык уюмдардын жана өнөктөш түзүмдөрдүн 60тан ашык өкүлү катышты. Жаңы жашыл аймак талаа көрүнүшүндө

Кыргызстан менен Азербайжан монополияга каршы кызматташууну күчөтөт

Азербайжандын Ханкенди шаарында Кыргызстандын экономика министринин орун басары Беназир Нурланова менен Азербайжандын Президентине караштуу Монополияга каршы саясат жана керектөө рыногун көзөмөлдөө боюнча мамлекеттик агенттигинин төрагасы Эльнур Багировдун эки тараптуу жолугушуусу өттү. Бул тууралуу министрликтен билдиришти. Маалым болгондой, жолугушуу Монополияга каршы саясат боюнча мамлекеттер аралык кеңештин 61-жыйынынын алкагында уюштурулду. Тараптар

Таласта 1,1 млрд сомдук келечектүү долбоорлор пландалууда

Талас шаарын мындан ары өнүктүрүүнүн алкагында жалпы наркы 1,1 млрд сомду түзгөн жаңы долбоорлорду ишке ашыруу пландалууда. Бул тууралуу президент Садыр Жапаровдун 2-ноябрдагы иш сапарында маалымдалды. Билдирүүгө караганда, долбоорлордун катарында 12 чакырым жолду асфальттоо жана тротуарларды куруу, автобекетти реконструкциялоо, заманбап муниципалдык автопаркты куруу каралган. Ошондой эле шаарды ичүүчү

Жалда №72 мектепке 750 орундуу жаңы окуу корпусу курулду

Бишкек шаарынын Жал кичи районундагы №72 мектепке 750 орундуу жаңы окуу корпусу курулду. Долбоорду каржылоо республикалык бюджеттен каралган. Жаңы мектептин курулушу үстүбүздөгү жылдын май айында, Курулуш министрлиги тарабынан башталган. Архитектуралык долбоорго ылайык, мектеп заманбап талаптарга жооп берген үлгүдө курулду. Анда предметтик окуу класстары, лаборатория, китепкана, ашкана, компьютердик класс, жыйындар залы