Баткен облусу 9 айда 1.14 млрд сомго каржыланды
Баткен облусу 9 айда 1.14 млрд сомго каржыланды. Бул тууралуу Финансы министрлиги билдирди.
Такталгандай, Баткен облусунун өнүгүү программасына 500 млн сом бекитилип, толугу менен каржыланды.
2022-жылдын 14-17-сентябрындагы кыргыз-тажик мамлекеттик чек арасындагы жаңжалдын натыйжасында Баткен облусунун чарба жүргүзүүчү субъекттерине келтирилген зыяндын орду толтурууга – 90.2 млн сом бөлүндү.
Бюджеттер аралык трансферттер:
Республикалык бюджеттин эсебинен бюджеттер аралык трансферттер катары жалпысынан 368 млн сом каржыланган. Алар:
• теңдөөчү трансферт – 246.2 млн сом;
• максаттуу трансферттер – 121.8 млн сом.
Регионду өнүктүрүү фонддору боюнча Баткен облусуна 178.8 млн сом каржыланды, анын ичинен:
• облустук өнүктүрүү фонду – 117.4 млн сом;
• райондук өнүктүрүү фонддору – 61.4 млн сом.
Өз алдынча жергиликтүү органдарга – электр энергияга 11.6 млн сом каржыланган.
