«Альянс Алтын» мамлекеттик бюджетке салык төлөмдөрү боюнча рекорд койду
«Альянс Алтын» компаниясы 2024-жылдын башынан бери 7.48 млрд сом төлөп, мамлекеттик бюджетке салык төлөмдөрү боюнча жаңы рекорд койду. Бул тууралуу компаниянын басма сөз кызматы билдирди.
Тоо-кен компаниясында белгиленгендей, 2023-жылы «Альянс Алтын» рекорддук көрсөткүчтү 4,4 тонна алтын өндүргөн, бул өткөн жылдардагы көрсөткүчтөрдөн бир топ жогору. Ошол эле учурда салык төлөмдөрү да көбөйдү. Ошентип, кенди иштетүү башталган 2015-жылдан бери компания Кыргызстандын бюджетине 22.5 млрд сомдон ашык каражат которгон. Ошол эле учурда 2024-жылдын башынан бери гана салык төлөмдөрүнүн көлөмү 7.48 млрд сомду түздү.
«Компания кендин экологиялык коопсуздугун камсыздап, айлана-чөйрөнүн абалына үзгүлтүксүз мониторинг жүргүзүп, аймактагы жапайы жаныбарлардын популяциясын калыбына келтирүү боюнча долбоорлорду колдойт. «Альянс Алтын» республиканын бюджетине экологиялык төлөмдөрдү төлөйт», - деп баса белгиледи басма сөз кызматы.
Долбоор башталгандан 2024-жылдын октябрына чейин мелиорация фондуна дээрлик 61 млн сом жана Жерүй ТЗРКсынын муктаждыктары үчүн жер үстүндөгү сууларды пайдаланууга 115 млн сомдон ашык каражат бөлүнгөн. Ушул жылдын октябрь айында ишкана бул максаттарга 1 млн 826 миң сом жана 4 миллион 905 миң сом которгон.
