Кыргызстанда “жашыл” экономика үчүн жаңы борборлор ачылды
Министрлер Кабинетинин төрагасынын биринчи орун басары Данияр Амангельдиев өлкөдөгү адамдык капитал менен билим берүү потенциалын өнүктүрүүгө багытталган бир катар иш-чараларга катышты. Бул тууралуу өкмөттүн басма сөз кызматынан билдиришти.
Ал Бишкектеги №100 кесиптик лицейинин 85 жылдыгынын алкагында ачылган Жашыл энергетика боюнча окуу борборунун жана Борбордук Азиянын Жогорку бизнес мектебинин (БАЖБМ) салтанаттуу ачылыштарына катышты.
Данияр Амангельдиевдин айтымында, жаңы окуу борбору студенттерге кайра жаралуучу энергия булактары боюнча заманбап билим алууга шарт түзөт. Ал эми Борбордук Азиянын Жогорку бизнес мектеби — региондогу бизнес-билим берүүнүн жаңы этабы. Ал өлкө экономикасын өнүктүрө ала турган инновациялык лидерлерди жана ишкерлерди даярдоого багытталган.
Амангельдиев билим берүүнүн сапатын жогорулатуу жана адамдык потенциалды өнүктүрүү өкмөттүн артыкчылыктуу багыттарынын бири бойдон кала берерин белгиледи.
