Бишкектеги 3 акча алмаштыруу бюросунун лицензиясы убактылуу токтотулду
Улуттук банктын маалыматына ылайык, КРнын мыйзамдарынын жана Улуттук банктын ченемдик укуктук актыларынын талаптарын бузгандыгы үчүн: «Кейджи 098»; «Дос Про»; «Финнам Про» алмаштыруу бюролорунун лицензиялары убактылуу токтотулду.
Мындан сырткары КРнын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы бир алмашуу бюросуна 55 000 сом өлчөмүндө айып пул салынды.
2025-жылдын 4-ноябрына карата маалыматка ылайык, республика боюнча Улуттук банктын лицензиясын алып, ишмердүүлүк кылып жаткан 820 акча алмаштыруу бюросу бар.
