Лейлекте жакында газоблок чыгаруучу ишкана ишке кирет
Баткен облусунун Лейлек районундагы Булак-Башы айылында “Мега Газоблок” ишканасы курулуп жатканын президенттин Баткен облусундагы өкүлчүлүгүнүн маалыматына шилтеме кылуу менен“Кабар” маалымат агенттиги жазды.
Жеке ишкер бул өндүрүштүк обьектисине 12 млн доллар инвестиция салган. Ири заводдун курулушун 2025-жылдын 1-декабрына чейин бүткөрүү пландалган. Ишкана ишке кирсе, суткасына 2000 даана газоблок өндүрүлө баштайт.
Ишкананын ачылышы менен болжол менен 150 адам жумуш менен камсыз болот. Аймакта газоблок үчүн керектелүүчү ак кумдун чоң көлөмдөгү запасы бар. Адистер кум сапаттуу экенин баса белгилеп келишет.
