Базарларда этти сатуу үчүн фермерлерге акысыз орундар берилет
Бүгүн, Экономика жана коммерция министри Бакыт Сыдыков эттин баасын турукташтыруу маселеси боюнча мамлекеттик органдардын жана борбор калаадагы ири базарлардын жетекчилери менен жыйын өткөрдү. Министр баалардын так сакталышын жана базар жетекчилеринин реалдуу салым кошуусун талап кылды.
Министрликтин маалыматына ылайык, "Дордой-Дыйкан" базары фермерлерге 3 айлык мөөнөткө эт сатуу үчүн соода аянтчаларын акысыз берүүгө даяр экенин билдирди. Ош жана Аламедин базарлары да фермерлерге тиешелүү шарттарды түзүп берүүгө макулдугун көрсөтүштү.
Антимонополиялык каршы жөнгө салуу кызматынын маалыматына караганда, акыркы 3 айда 2 900 объектке 677 мониторинг жүргүзүлүп, 17 субъектке көрсөтмө берилди жана 78 айып салынды. Мониторинг мындан ары күчөтүлгөн тартипте улантылат.
