Мейманкана салуу долбоору менен Radisson Hotel Group Кыргызстандын рыногуна кирди

Экономика жана соода министри Бакыт Сыдыков, Россия-Кыргызстан өнүгүү фондунун башкармасынын төрагасы Артем Новиков жана Radisson Hotel Groupтун вице-президенти Дэвид Филипп Дженкинстин жолугушуусу болуп өттү. Сүйлөшүүлөрдүн жүрүшүндө Radisson Blu эл аралык мейманкана франшизасы расмий түрдө кыргыз рыногуна кирип жатканы тастыкталды.

Жолугушууда РКӨФнун Бишкекте беш жылдыздуу Radisson Blu эл аралык мейманканасынын курулушуна инвестициялык катышуусунун мүмкүнчүлүгү талкууланды. Бул долбоор туризм тармагын өнүктүрүүдө жана өлкөнүн инвестициялык жагымдуулугун чыңдоодо маанилүү кадам болуп калмакчы.

Россия-Кыргыз өнүктүрүү фонду Кыргызстандын туризм инфраструктурасын өнүктүрүүгө жана өлкөнүн экономикасына стратегиялык инвесторлорду жана эл аралык бренддерди тартууга багытталган долбоорлорду колдоону улантууда.

Бул демилгени ишке ашыруу алкагында «Кап Строй Кей Джи» менен Radisson Hotel Groupтун ортосунда келишимге кол коюу аземи болуп өттү. Документке «Кап Строй Кей Джи» компаниясынын башкы директору Талантбек Кенжеев жана Radisson Hotel Groupтун вице-президенти Дэвид Филипп Дженкинс кол коюшту.