“Кыргызнефтьгазы” ААКсы 9-декабрда инвестициялык форум өткөрөт

“Кыргызнефтьгазы” ААКсы 2025-жылы 9-декабрда Бишкектеги Hyatt Regency  отелинде өтө турган инвестициялык форумга тиешелүү мекеме өкүлдөрүн чакырарын маалымдады. 

Инвестициялык форум мамлекеттик мекемелердин, бизнес-коомчулуктун жана чет өлкөлүк инвесторлордун өкүлдөрүн ишкана менен кызматташуунун келечектүү долбоорлору жана мүмкүнчүлүктөрү менен тааныштыруу үчүн чогултат. 

Форумдун программасы төмөнкү багыттар боюнча “Кыргызнефтьгазы” ААКсына инвестиция салуунун перспективалары жөнүндө презентацияларды камтыйт: 

-5 лицензиясы бар участоктор боюнча геологиялык изилдөө иштери;

-Иштетилип жаткан нефть, газ кендериндеги 150 эксплуатациялык скважиналарды бургулоо;

-Иштетилип жаткан кендердеги 300 скважинаны капиталдык оңдоодон өткөрүү;

Форумга катышкандар:

·      “Кыргызнефьгазы” ААКсынын инвестициялык долбоорлору менен таанышат;

·      Потенциалдуу өнөктөштөр менен түз байланышты бекемдейт;

·      “Кыргызнефтьгазы” ААКсы менен кызматташуу жөнүндө макулдашууга келүү мүмкүнчүлүгү түзүлөт.