Айдаркен шаарында таш майдалоочу, бетон чыгаруучу завод ачылды
Баткен облусунун Айдаркен шаарында таш майдалоочу жана бетон заводунун курулушу аяктап, пайдаланууга берилгенин “Кабар” маалымат агенттигине Президенттин Баткен облусундагы өкүлчүлүгү билдирди.
Аталган ишкананын ачылышына облус башчысы Айбек Шаменов катышып, заводдуначылышы аймактын ар тараптуу өнүгүүсүнө өбөлгө болорун билдирди.
Муниципалдык ишкана суроо-талапка жараша толук кандуу кубаттуулукта иштесе күнүнө 60 тонна шагыл, 1000 куб метр бетон аралашмасын даярдай алат.
Заводдун курулушуна Баткен облусун өнүктүрүүгө республикалык бюджеттен бөлүнгөн 500 млн сомдун эсебинен 32 млн сом ажыратылган. Мындан сырткары, жергиликтүү бюджеттен 20 млн сом жумшалган.
Натыйжада 10 жумуш оруну түзүлүп, заводдон түшкөн каражат жергиликтүү бюджетке киреше болот.
