"Максат - өлбөө": РФте чакан бизнес кризиске карай туруштук издөөдө
2025-жылы РФгы көптөгөн компаниялар өнүгүү стратегияларын кайрадан карап чыгышты. Алардын пландарынын алмашуусуна ар кандай факторлор: жогорку пайыздык чен, салыктыктын көбөйүшү жана керектөөчүлөрдүн суроо-талабынын төмөндөшү таасир эткен. Ушуга жараша Forbes.ru эксперт жана ишкерлер менен чакан бизнести аман алып калуу тууралуу сүйлөшүүсүн жарыялады.
Билдирүүгө караганда, 2025-жылдагы экономикалык абал оңой болгон жок. Ишкерлердин дээрлик 40%ы өз ишмердүүлүгү үчүн негизги чектөө катары суроо-талаптын төмөндөшүн атаса, респонденттердин 30%ы карызга алынган каражаттын жана жүгүртүүдөгү каражаттын жетишсиздигин белгилешкен. Бул жыл чындап эле оор болду, деп моюнга алат 3 Streams фондунун инвестициялык директору Илья Курзанов. Анын айтымында кредиттер боюнча жогорку пайыздык чен болгонуна карабастан, көптөгөн компанияларда карызданууга туура келди. Ушундан улам, чакан жана орто бизнес үчун бул көйгөйлөр банкрот болуу толкунун жаратышына шарт түзүүдө, деп билдирди Курзанов.
Ал эми Eggsellent кулинардык тобунун негиздөөчүсү Полина Юрова «Биз сатып алуу жөндөмдүүлүгүнүн төмөндөшүн байкап жатабыз жана сегиз жыл ичинде биринчи жолу тармак боюнча жылдан жылга киреше өспөй жатат», — деп бөлүштү.
Эксперттердин пикиринде, Россиянын чакан бизнесинде банкрот болуу дээрлик башталды. Октябрь айында Y-Self мультибренддүү дүкөнү жабылганын жарыялаган. Ошондой эле I am studio, Totti, LeoFisherBags бренддери дагы ишин токтотушкан.
Ушуга байланыштуу Стартаптардын азыркы максаты – өлбөө жана банкроттукка жол бербөө. Рынокту тез арада басып алуу пландарын кийинкиге калтырып, ишмердүүлүктү үзгүлтүксүз улантуу, деп билдиришти эксперттер.
