К.Ташиев: "5 жылда өлкөгө 300 млрд сомдон ашык мүлк жана акча каражаты кайтарылды"
Соңку беш жылдын ичинде коррупциялык элементтерге каршы күрөшүүнүн жыйынтыгында мамлекетке 300 млрд сомдон ашык мүлк жана акча каражаты кайтарылганын УКМК төрагасы Камчыбек Ташиев "Регион ТВ" телеканалына берген маегинде билдирди.
Анын айтымында, 30 миң гектардан ашык жер жана 1 миңге жакын ишкана мамлекеттин менчигине кайра кайтарылган.
“Эмне үчүн Кыргызстанда ушунчалык чоң масштабдагы коррупция болуп кеткен деген суроо жаралат. Бул жерде 1992-1993-жылдары башталган мамлекеттик мүлктү менчиктештирүү, талап - тоноо аркылуу жемкорлук башталганы белгилүү. Өлкө эгемендүүлүк алгандан кийин мамлекеттик мүлк менчиктештирүүгө берилип, андан соң мамлекетти талап-тоноо күчөгөн,- деди Ташиев.
