Кыргызстанда кыймылсыз мүлк салыгын төлөө автоматташтырылат
Салык кызматы кыймылсыз мүлккө салыкты автоматташтырылган түрдө эсептөөнү киргизип, жарандар менен компанияларды маалыматтарын алдын ала текшерүүгө чакырды.
Салык кызматы мүлк салыгын автоматтык түрдө эсептөөнү киргизип, жарандар менен юридикалык жактарды өз маалыматтарын алдын ала текшерүүгө чакырууда. Ведомствонун маалыматына ылайык, бул Салык кодексине киргизилген өзгөртүүлөр менен байланыштуу: эми салык объекттин жайгашкан жерине жараша эсептелет жана төлөнөт.
Салык кызматы системаны техникалык жактан жөндөөнү жүргүзүп жатат. Бул эсептөөнү жеңилдетүүгө, административдик жүктү азайтууга жана эсептөөлөрдүн тактыгына өбөлгө түзөт.
2026-жыл үчүн милдеттенмелерди туура түзүү максатында, Салык кызматы жарандарга жана юридикалык жактарга укуктук документтериндеги маалыматтарды "Кадастр" мамлекеттик мекемесиндеги маалымат менен салыштырып чыгууну сунуштайт.
Текшерүү керек болгон маалыматтар:
- Мүлк ээсинин салык төлөө идентификациялык номери (ИНН)
- Жарандардын аты-жөнү же юридикалык жактын аталышы
- Объекттердин аянты
- Кыймылсыз мүлктүн багыты
- Ээлик үлүшү
- Каттоо даталары жана башка көрсөтүлгөн параметрлер
Ведомствонун айтымында, салыктын автоматтык түрдө так эсептелишин камсыздайт.
