Кыргызстанга акча которуулардын агымы 17,2%га өстү — ЕАӨБ
2025-жылдын январь–ноябрь айларында Кыргызстанга келген акча которуулардын агымы 17,2%га көбөйгөнүн Евразия өнүктүрүү банкы (ЕАӨБ) маалымдады.
Маалыматта белгиленгендей, көрсөткүчтүн өсүшү негизинен Россиядан келген которууларга байланыштуу, алар 16,7%га жогорулаган.
Акча которуулардын доллар менен эсептелген көлөмүнүн өсүшүнө рублдин долларга карата курсу 2024-жылдагы орточо көрсөткүчкө салыштырмалуу 10,6%га бекемделгени да таасир эткен. Ошол эле учурда сомдун долларга карата орточо жылдык курсу 2024–2025-жылдары 87 сомдун тегерегинде туруктуу сакталган.
Акча каражаттарынын агымынын көбөйүшү ички суроо-талаптын кеңейишине өбөлгө түздү. Натыйжада, 2024-жылдын январь–ноябрь айларында ички сооданын өсүшү 9,5%ды түздү деп айтылат маалыматта.
