ЕАЭБ жеңилдиктери: Кыргызстан эт, кант, мөмө жемиштер боюнча бажы салыгын төлөбөйт
2026-жылдын 30-январында ЕЭК Кеңешинин жыйынында Кыргыз Республикасынын агроөнөр жай комплексин колдоого багытталган бир катар чечимдер кабыл алынды. Кабыл алынган документтерге ылайык, Кыргыз Республикасынын аймагына ички керектөө жана өнөр жайлык кайра иштетүү үчүн алып келинген социалдык жана экономикалык жактан маанилүү айрым товарларга карата киргизүүчү бажы төлөмдөрүнөн бошотуу түрүндөгү тарифтик жеңилдиктер каралган.
Бодо малдын эти
Жеңилдик мөөнөтү: 2026-жылдын 31-декабрына чейин
Көлөмү: 5 миң тоннадан ашпайт
Жеңилдик төмөнкү товарларга колдонулат:
• бодо малдын жаңы же тоңдурулган эти
(ЕАЭБ Тышкы экономикалык ишмердүүлүктүн товардык номенклатурасы (ТЭИ ТН) коддору: 0201 …),
• бодо малдын тоңдурулган эти
(ЕАЭБ ТЭИ ТН коддору: 0202 …).
Тарифтик жеңилдик уюмга мүчө-мамлекеттин ыйгарым укуктуу органы тарабынан берилген, импорттоочу уюмдар, товарлардын номенклатурасы жана көлөмү көрсөтүлгөн ырастоочу документ болгондо берилет.
Жеңилдик менен алып келинген этти пайдаланууга эт продукциясын өндүрүү максатында гана жана этти кайра иштетүүчү ишканалар тарабынан гана уруксат берилет.
Кант
Камыш кант-сырьёсу
(ЕАЭБ ТЭИ ТН 1701 13 субпозициясы)
Көлөмү: 20 миң тоннадан ашпайт
Жеңилдик Кыргызстандын ыйгарым укуктуу органы тарабынан берилген, товарды колдонуу максатын тастыктаган жана импорттоочулар менен кайра иштетүүчү уюмдар тууралуу маалыматтарды камтыган документ болгондо колдонулат.
Камыш кант-сырьёсун пайдаланууга Кыргызстан аймагында өнөр жайды кайра иштетүү үчүн гана уруксат берилет. Жеңилдетилген чийки заттан өндүрүлгөн ак кантты ЕАЭБдин башка мүчө-мамлекеттерге чыгарууга жол берилбейт.
Какао продукциясы
Жеңилдик мөөнөтү: жыл сайын 2027-жылдын 30-апрелине чейин
• какао-майы
(ЕАЭБ ТЭИ ТН коду: 1804000000) — 300 тонна
Кабыл алынган чаралар ички рынокту туруктуу камсыз кылууга, кайра иштетүүчү ишканаларды колдоого, өлкөнүн агроөнөр жай комплексин өнүктүрүүгө багытталган.
