ЕАЭБ базарларындагы маркетплейстерде сатылган товарларга КНСти ким төлөйт?
ЕАЭБде электрондук соодага байланыштуу жөнгө салуу нормаларынын өзгөрүүсү күтүлүп жатканын Экономика жана коммерция министрлигинин ЕАЭБ интеграциясын өнүктүрүү секторунун башчысы Каниет Насирдинов брифингде билдирди.
Анын айтымында, пландалып жаткан жаңылыктар электрондук соода товарларын салыктан өткөрүү менен байланыштуу. Алардын бири — кошумча бааны кошуу салыгын (КБКС) аймактык принципке ылайык төлөө маселеси.
"Мисалы, Алматыдан адам маркетплейстен футболка сатып алат. Ал футболка Кыргызстанда өндүрүлгөн, бирок Коледино (Москва облусу, Россия) кампасына кошумча нарк салыгы (КНС) төлөнбөй жеткирилген. Андан кийин буйрутма боюнча футболка Алматыга жөнөтүлөт. Товар алынганга чейин, ал сатыкка чыкты деп эсептелип КНС төлөнөт", — деп түшүндүрдү Насирдинов.
Сунушталып жаткан схема боюнча, эгер товар Казакстанда сатылган болсо, анда КНС ошол республика бюджетине анын мыйзамдарына ылайык төлөнөт. Ал эми эгер сатып алуучу Кыргызстандан болсо — өндүрүүчү өлкө, анда КНС маркетплейс тарабынан Кыргызстан бюджетине төлөнөт.
"Бул механизм азыр каралууда. Биз үмүттөнөбүз, 2026-жылдын аягына чейин ЕАЭСте электрондук сооданы жөнөкөйлөштүрө турган бардык укуктук актылар кабыл алынат. Мунун артыкчылыгы — электрондук соода товарларынын кыймылы көзөмөлдө болот жана бюджет көбүрөөк толукталат", — деп кошумчалашты Экономика министрлигинде.
