"Мамлекеттик каржылык холдинг" ААКы жеке компанияга 25 млн доллар өлчөмүндө кепилдик кылды
"Мамлекеттик каржылык холдинг" ачык акционердик коому эмитенттин активдеринин 10%ынан жана андан жогору көлөмдү түзгөн бир жолку бүтүм жасалганын билдирди.
Кыргыз фондулук биржасынын маалыматына ылайык, аталган бүтүм боюнча контрагент болуп "Альянс Гидро" жоопкерчилиги чектелген коому саналат.
Министрлер Кабинетинин 2025-жылдын 5-ноябрындагы №941-р тескемесине жана 2026-жылдын 3-февралында түзүлгөн №19-7-1/3 үч тараптуу кепилдик келишимине ылайык, "Мамлекеттик каржылык холдинг" ААКы Россия–Кыргыз өнүктүрүү фонду алдындагы "Альянс Гидро" ЖЧКнын кредиттик милдеттенмелери боюнча 25 млн долларга кепилдик берген.
Каражаттар кубаттуулугу 24 МВт болгон "Жерүй" кичи ГЭСин куруу үчүн тартылууда.
