Жүктөрдү навигациялык пломбалар менен көзөмөлдөө 11-февралдан башталат
Бугүн Экономика жана коммерция министринин орун басары Султан Ахматовдун төрагалыгында Мамлекеттик салык кызматы, Мамлекеттик бажы кызматы, жүктөрдү ташууну көзөмөлдөө системасынын улуттук оператору — "Мамлекеттик бажы инфраструктурасы" ААКнын, ошондой эле бизнес коомчулугунун өкүлдөрүнүн жолугушуусу өттү.
Министрликтин маалыматына ылайык, жолугушууда 11-февралдан тартып жүктөрдүн ташылышын навигациялык пломбалар менен көзөмөлдөө практикалык түрдө ишке киргизилери талкууланды. Бул чара Евразия экономикалык биримдигинде (ЕАЭБ) белгиленген товарларга, анын ичинде алкоголдук жана тамеки продукциясына, ошондой эле атайын чектөө чаралары колдонулган товарларга тиешелүү.
Кыргызстанда навигациялык пломбаларды орнотуу пункттары катары кыргыз-казак чек арасындагы төрт өткөрүү пункту жана темир жол аркылуу ташуулар үчүн тогуз бекет аныкталды. Бажы транзити учурунда убактылуу сактоо кампалары бажы операциялары жүргүзүлүүчү жер катары белгиленди.
Жүктөрдүн алуучуларынын аймактары жана убактылуу сактоо кампалары пломбаларды чечүү пункттары катары белгиленди. Навигациялык пломбаларды колдонуу боюнча бизнес коомчулугуна маалымат берүүнү "Мамлекеттик бажы инфраструктурасы" ААКы улантат.
