Кыргызстанда айыл чарбасына берилген насыяларды кайтаруу 90%га өстү
Айыл чарба дүйнө жүзүндө субсидияланган тармак болуп саналат жана социалдык тармак катары караларын Суу ресурстары, айыл чарба жана кайра иштетүү өнөр жайы министринин орун басары Мирбек Дүйшеев билдирди.
"Кайсы гана өлкөнү карабайлы, ар бири өзүнүн айыл чарбасын колдойт: жеңилдетилген насыяларды берет, салыктардан бошотот, ар кандай жеңилдиктерди жана преференцияларды сунуштайт. Атүгүл Европада, өнүккөн өлкөлөрдө да бүгүнкү күндө айыл чарба тармагында көйгөйлөр жаралууда, бул тармактын өзгөчөлүгү ушундай. Ал көбүнчө жаратылыш шарттарына көз каранды", — деди ал.
Дүйшеев фермерлер үчүн банктык насыялар боюнча жагдайга да токтолду.
"Банктык насыяларга келсек, мен бул тармакта 2 жылдан бери иштеп жатам, азыркы учурда бизде банктык насыяларды кечүү практикасы жок. Акыркы төрт-беш жыл ичинде айыл чарба тармагында банктык талдоо жүргүзүп келебиз. Насыялардын кайтарымы кыйла өстү. Мурда 30–40% гана кайтарылып, 50–60% кайтарылбай калчу болсо, азыр андай көрүнүш жок. Бүгүнкү күндө берилген насыялардын 90%дан ашыгы кайтарылууда", — деп билдирди министрдин орун басары.
