Кыргыз брокери Royal Pure Gold эл аралык ITS соода аянтчасына кошулду
Эми Кыргызстандык инвесторлор үчүн 3200дөн ашык дүйнөлүк акция жана ETF жеткиликтүү болуп калат. Бүгүн 16-февралда - Кыргызстандык брокердик компания Royal Pure Gold жана эл аралык соода аянтча ITS кызматташуу тууралуу келишимге кол коюшту. Ага ылайык, Royal Pure Gold кардарлары компания иштеп чыккан Kagan Invest аянтчасы аркылуу, миңдеген дүйнөлүк финансылык инструменттерге ыңгайлуу, түшүнүктүү жана коопсуз негизде жете алышат.
Кол коюу “Кыргызстандын фондулук рыногунун өнүгүүсүнүн негизги тренддери” аттуу тегерек столдун алкагында, ЖМК өкүлдөрү, финансылык коомчулуктун адистери жана КРдагы Казакстан Республикасынын Элчисинин кеңешчиси Эрбол Сарыпбековдун катышуусунда болду.
Кыргызстан үчүн Royal Pure Gold компаниясынын ITSке кошулуусу - бул жөн гана келишим эмес, сапаттуу секирик болуп саналат. Apple, Microsoft акциялары, алтын, мунай жана индекстер эми өзүбүздүн брокер аркылуу жеткиликтүү болуп калат. Дүйнөлүк компанияларга инвестиция салуу - эми тар чөйрөнүн гана артыкчылыгы эмес, каражатын эффективдүү башкарууну жана узак мөөнөт бакубаттулук түзүүнү каалаган ар бир жаран үчүн реалдуу мүмкүнчүлүк болуп калды.
Royal Pure Gold компаниясынын башкы директору Арстанбек Абдикапаровдун айтымында Royal Pure Gold үчүн ITSке туташуу – бул кардарларга эл аралык рынокко жетүүнүн мүмкүнчүлүгү болуп саналат.
“Биздин негизги максаттарыбыздын бири инвестициялоо үчүн тоскоолдуктарды азайтуу болуп саналат. Буга чейин ири чет өлкөлүк компаниялардын акцияларына инвестиция салуу үчүн көлөмдүү сумма, чет элдик брокерлерде эсеп ачуу процессин түшүнүү жана чет өлкөлүк банктар аркылуу эсепти толуктоо талап кылынып келген. Бүгүн биздин Kagan Invest аянтчабыз аркылуу катталуудан тартып биринчи сатып алууга чейин 10–15 мүнөт убакыт талап кылынат. Ошондой эле кардарлар эсепти сом менен толуктай алат жана анын минималдуу салымына чектөө болбойт. Факт боюнча инвестициялоонун эшиги өлкөнүн ар бир жараны үчүн ачык. Биз буга ITS менен өнөктөштүк аркылуу жетиштик. Аймакта мындай ликвиддүүлүк хабынын болушу Борбор Азиянын бардык профессионалдык катышуучуларынын дүйнөлүк рыноктогу позициясын бекемдейт» - деп билдирди, Royal Pure Gold компаниясынын башкы директору Арстанбек Абдикапаров.
“Royal Pure Goldго туташуу – биздин Борбор Азиядагы катышуубузду кеңейтүүдөгү маанилүү кадам болуп саналат. Биз аймактагы инвесторлордун эл аралык рынокторго кызыгуусу өсүп жатканын көрүп жатабыз жана брокер-өнөктөштөр тармагын мындан ары кеңейтүүнү улантабыз. Биз үчүн Royal Pure Gold сыяктуу ишенимдүү жана кесипкөй өнөктөштөр менен иштөө чоң сыймык” - деп белгиледи, ITS башкармасынын төрагасы Чыңгыз Канапьянов.
Кыргызстандык инвесторлор мындан эмне алышат?
ITS инструменттеринин бардыгы эми жергиликтүү калк үчүн Kagan Invest аянтчасы аркылуу жеткиликтүү. Бул 3200дөн ашуун эл аралык инструменттер (анын ичинде 300дөн ашык ETF), технология тармагында, энергетика, саламаттык сактоо, финансы жана башка чөйрөөдөгү ири компаниялардын акциялары. Бул портфелди диверсификациялоого, тобокелдиктерди азайтууга жана дүйнөлүк экономиканын өсүшүнө катышууга болгон реалдуу мүмкүнчүлүк берилет.
ITSтин маанилүү артыкчылыгы — узакка созулган соода сессиясы: 18 саатка жакын (Бишкек убактысы боюнча 11:00дөн 04:45ке чейин). Инвесторлор негизги жаңылыктарга, корпоративдик отчетторго жана борбордук банктардын чечимдерине реалдуу мезгил аралыгында таасир эте алат. Кимде ким портфель башкарууга тийиштүү болсо, мындай ийкемдүүлүк – абдан зарыл.
Шариятка шайкештиги
Тегерек столдо дагы бир акцент - ITSтин өздүк индекстерине негизделген ITS World ETF флагманы (тикер: ITSW) жана ITS Shariah ETF (тикер: ITSS) жасалды. ITS World ETF - АКШ долларында номинацияланган жана Америка, Европа, Азиядагы 50 тандалган компаниянын акцияларына инвестициялоого мүмкүнчүлүк берет. 2025-жылы S&P 500 индекси 16,30%, ал эми Dow Jones 12,97% жогорулаган кезде, ITS World индексин көрсөткүчү 25,62% өскөн.
ITS Shariah ETF - Борбордук Азиядагы жана Кавказдагы биринчи биржада соодаланган фонд, анын курамына шарияттын талаптарына жооп берген 30 ири дүйнөлүк компания кирет, аларга кирүү босогосу 10 $ бир аз жогору. 2025-жылы ITS Shariah индекси 23,6% га өсүп, S&P 500 индексинен бир кыйла ашып, ITS ислам продуктунун дүйнөлүк рынокто атаандаштыкка жөндөмдүүлүгүн тастыктады. Ислам каржылары боюнча эксперт, ITS Shariah шариаттык кеңешинин мүчөсү Акжигит Кокоев ITS Shariah индексине кирген компаниялар көп баскычтуу текшерүүдөн өтөөрүн айтып берди.
“Эгерде эмитент шариаттын талаптарын аткарууну токтотсо – мисалы, анын карыз жүгү шариат стандарттары менен белгиленген босогодон ашып кетсе же анын бизнес профили тыюу салынган секторлорго өзгөрсө – ал кийинки индексти кайра баланстоодон чыгарылат” – деп билдирди, ITS Shariah шариаттык кеңешинин мүчөсү Акжигит Кокоев.
Тегерек столдун алкагында ITS аналитика департаментинин директору Павел Пахомов эл аралык фондулук рынокко сереп салып, негизги дүйнөлүк тенденцияларды жана алардын Борбордук Азия рынокторуна тийгизген таасирин белгиледи. Ошондой эле ал инвесторлор азыркы рыноктун туруксуздугу шартында стратегияларды кантип түзүп жана портфелдерин кантип тең салмакта кармай ала тургандыгы боюнча практикалык сунуштарды берди.
“ITSке туташуу - Royal Pure Goldдун кыргыз инвесторлорунун дүйнөлүк рынокко жетишин кеңейтүү стратегиясынын логикалык уландысы. Бул стратегиянын алкагында Royal Pure Gold – АЭФБнын (Астана эл аралык финансы борбору) - Recognised Non‑AIFC Member (RNAM) статусун алган Кыргызстандагы биринчи брокер болуп калды – дейт, Павел Пахомов.
RNAM статусу - бул жогорку эл аралык стандарттарга шайкештикти тастыктаган жана Астанада кеңсе ачпастан, АЭФБ инфраструктурасына кирүүгө мүмкүндүк берген жөнгө салууну таануу болуп саналат.
