Экономика

Кыргызстанга мобилдик медициналык клиникалар ноябрда өткөрүлүп берилет

Айгерим Качкынбекова

29 июля 2026 17:15

Кыргызстанда Король Абдулланын гуманитардык жардам фонду тарабынан каржыланган мобилдик көп тармактуу медициналык клиника долбоорунун жыйынтыктары жана медициналык комплекстерди өткөрүп берүү маселеси талкууланды.

Финансы министрлигинин маалыматына ылайык, 28-июлда Финансы министринин биринчи орун басары Талас Айдарбек уулу Король Абдулланын гуманитардык жардам фондунун (KAHF) Башкы аткаруучу директору доктор Абдулазиз бин Фахад Аль-Анкари жетектеген делегация менен жолугушту.

Жолугушууда долбоордун учурдагы жыйынтыктары, анын туруктуу иштешин камсыз кылуу жана 2026-жылдын ноябрь айында мобилдик медициналык комплекстерди Кыргыз Республикасынын Саламаттык сактоо министрлигине өткөрүп берүү маселелери каралды.

Талас Айдарбек уулу Король Абдулланын гуманитардык жардам фондуна жана Ислам өнүктүрүү банкына саламаттык сактоо тармагына көрсөткөн колдоосу үчүн ыраазычылык билдирип, Кыргызстан аталган банк менен көп жылдан бери ийгиликтүү кызматташып келерин белгиледи.

Анын айтымында, учурда Ислам өнүктүрүү банкынын колдоосу менен өлкөдө 36 социалдык-экономикалык долбоор ишке ашырылууда. Анын ичинен 23 долбоор аяктап, 8 долбоор ишке ашырылып жатат. Дагы 5 жаңы долбоор даярдоо баскычында.

Жолугушуунун соңунда тараптар саламаттык сактоо тармагындагы кызматташтыкты мындан ары да кеңейтүүгө жана калктын жашоо сапатын жакшыртууга багытталган биргелешкен долбоорлорду улантууга кызыкдар экенин билдиришти.

Мындан тышкары окуңуз

Министрлик: Тарых музейинин эки кабаты Кытайга берилгени тууралуу маалымат жалган

Желеде Улуттук тарых музейинин 4-5-кабаттары Кытай тарапка өткөрүлүп берилгени тууралуу тараган маалыматтын чындыкка дал келбесин Маданият, маалымат жана жаштар саясаты министрлиги билдирди. Министрликтин маалыматына караганда, музейдин эч бир бөлүгү чет өлкөлүк мекемелерге менчикке, ижарага же туруктуу пайдаланууга берилген эмес. Белгилегендей, “Гармония сулуулукту жаратат: Байыркы Кытай цивилизациясынын көркөм өнөр

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга