Салык кызматы 3,3 млн сомдук мыйзамсыз товарды аныктады
Мамлекеттик салык кызматы рейддик салыктык көзөмөлдүн жүрүшүндө эсепке алынбаган товарларды мыйзамсыз ташып келүү фактысын аныктап, ага бөгөт коюшту.
Мекеменин маалыматына ылайык, ЕАЭБге мүчө мамлекеттерден келген жүк ташуучу автоунааны текшерүү учурунда ар кандай азык-түлүк товарлары тиешелүү коштомо товардык документтерисиз ташылып баратканы аныкталган.
Алдын ала эсептөөлөр боюнча, аныкталган эсепке алынбаган товарлардын жалпы баасы 3,3 млн сомду түзөт.
Учурда бул факты боюнча тиешелүү текшерүү иш-чаралары жүргүзүлүүдө.
