"Агро Куш" ишканасы жылына 9 миң тоннага жакын тоок этин өндүрөт
Суу ресурстары, айыл чарба жана кайра иштетүү өнөр жайы министри Эрлист Акунбеков өлкөнүн канаттуулар чарбасындагы алдыңкы ишканалардын бири болгон "Агро Куш" ЖЧКсынын өндүрүш ишмердүүлүгү менен таанышты.
Ведомствонун маалыматына ылайык, ишкана инкубациядан тартып даяр продукцияны чыгарууга чейинки толук өндүрүш циклин камсыздап, ички рынокту ата мекендик тоок эти менен камсыз кылууда. Ошондой эле өлкөнүн азык-түлүк коопсуздугун чыңдоого жана импортко көз карандылыкты азайтууга салым кошуп келет.
Учурда "Агро Куш" жылына 7 миллиондон ашык бройлер тоогун өстүрүп, 9 миң тоннага жакын тоок этинөндүрөт. Мындан тышкары, ишкана жылына 28 миң тоннага чейин комбикорм чыгарып, 600дөн ашык адамды туруктуу жумуш орду менен камсыз кылууда.
Ошондой эле компания өлкөдөгү ири салык төлөөчүлөрдүн бири катары мамлекеттик бюджетке олуттуу киреше алып келет.
Өндүрүш менен таанышуу учурунда Эрлист Акунбеков мындай ишканалардын өлкөнүн азык-түлүк коопсуздугун камсыздоодо, импортту алмаштырууда жана кайра иштетүү өнөр жайын өнүктүрүүдөгү ролу өзгөчө маанилүү экенин белгиледи.
