Адылбек Касымалиев: ЕАЭБ өз алдынча дүйнөнүн өнүккөн уюмуна айланышы керек
Министрлер Кабинетинин төрагасы Адылбек Касымалиев Евразия өкмөттөр аралык кеңешинин кеңейтилген курамдагы кезектеги жыйынында ЕАЭБдин мындан аркы өнүгүүсүнүн негизги багыттарына токтолду. Бул тууралуу Өкмөттүн басма сөз кызматынан билдиришти.
Ал "Евразиялык экономикалык жол" декларациясы 2030-жылга чейинки стратегиялык багытты аныктаганын жана бүгүнкү күндө ал бекитилген Иш-чаралар планында конкреттүү түргө ээ болуп жатканын белгиледи.
"Максат өзгөрүүсүз калууда: ЕАЭБ энергетикалык жана азык-түлүк коопсуздугуна, ошондой эле транспорттук байланышка таянган, өз алдынча көп тармактуу дүйнөнүн өнүккөн уюмуна айланышы керек", — деди Адылбек Касымалиев.
Министрлер Кабинетинин төрагасы бул максатка жетүү үчүн декларацияларды азайтып, реалдуу долбоорлорду көбөйтүү, тоскоолдуктарды кыскартуу жана өз ара ишенимди бекемдөө зарылдыгын белгиледи.
Анын айтымында, прагматикалык жана макулдашылган аракеттер аркылуу гана "Евразиялык экономикалык жолго" мазмундуу маани берүүгө болот.
