Экономика

Кыргыз дрондору Түркияга жана эл аралык рынокко экспорттолушу мүмкүн

Уулжан Бейшенбекова

21 авг. 2026 10:34

Стамбулда Кыргызстандын "Qarga Group" компаниясы менен Түркиянын "ZENA Elektrik ve Enerji A.Ş." компаниясы энергетикалык инфратүзүмгө учкучсуз аппараттар аркылуу мониторинг жүргүзүү боюнча кызматташтыкты талкуулашты.

Экономика жана коммерция министрлигинин басма сөз кызматынын маалыматына ылайык, жолугушууда "Qarga Group" компаниясы энергетикалык объектилерди абадан көзөмөлдөөгө арналган "учуучу канат" тибиндеги учкучсуз аппаратын тааныштырды.

Тараптар Кыргызстандагы жогорку чыңалуудагы электр берүү линияларын, күн электр станцияларын жана башка энергетикалык объектилерди дрондордун жардамы менен көзөмөлдөө мүмкүнчүлүктөрүн карап чыгышты.

Талкуунун жыйынтыгында Түркиянын адистеринин Кыргызстанга келип, аппаратты талаа шартында сыноодон өткөрүүсү боюнча алдын ала макулдашууга жетишилди.

Мындан тышкары, жолугушууда Түркиядан Кыргызстандын күн энергетикасы тармагына инвестиция тартуу маселеси да сөз болду.

Эгер талаа сыноолору ийгиликтүү аяктаса, Кыргызстанда иштелип чыккан учкучсуз аппараттарды Түркияга экспорттоо жана аларды эл аралык рынокко чыгаруу үчүн жаңы мүмкүнчүлүктөр түзүлөрү белгиленди.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Мыйзам бузгандыгы үчүн төлөм уюмуна 220 миң сом айып пул салынды

КРнын Улуттук банкы Бишкек шаарында жайгашкан төлөм уюмуна/төлөм системасынын операторунун бирине мыйзам талаптарын бузгандыгы үчүн 220 миң сом айып пул салды. Улуттук банктын маалыматына ылайык, айып пул Кыргыз Республикасынын мыйзамдарын жана Улуттук банктын ченемдик укуктук актыларын бузгандыгы үчүн салынган. Тактап айтканда, төлөм уюму төмөнкү талаптарды аткарбаганы аныкталган: * Кыргыз Республикасынын

Бишкектеги бир катар көчөлөрдө оңдоо иштери аяктады

Бишкек шаарында борбор калаанын жол-транспорттук инфраструктурасын өнүктүрүү жана жакшыртуу боюнча туруктуу иштер улантылууда. Бул тууралуу шаардык мэриянын басма сөз кызматы билдирди. Бишкек шаарынын мэри Айбек Жунушалиев көчмө жыйындын жүрүшүндө бир катар көчөлөрдү жана жол тилкелерин оңдоо иштеринин жыйынтыктары менен таанышты. Иштер аяктагандан кийин төмөнкү көчөлөр жана жол тилкелери этап-

Куршабдагы оорукананын 1950-жылы курулган имараты авариялык абалга келген

Куршаб айыл аймагында саламаттык сактоо тармагындагы көйгөйлөр жана медициналык мекемелердин материалдык-техникалык базасын чыңдоо маселелери талкууланды. Бул тууралуу Жогорку Кеңештин басма сөз кызматы билдирди. Маалыматка ылайык, депутат Жылдыз Эгенбердиева Ош облусунун Өзгөн районундагы Ж.Токторбаев атындагы Куршаб жалпы дарыгерлик практика борборунун эмгек жамааты менен жолугушту. Дарыгерлердин айтымында, 1950-жылы курулган

Бишкекте абаны булгаган унаа аныкталып, ишканага айып пул салынды

Бишкекте атмосфералык абаны булгаган автоунаа аныкталып, ал таандык болгон ишканага 23 миң сом айып салынды. Бул тууралуу Жаратылыш ресурстары, экология жана техникалык көзөмөл министрлиги билдирди. Маалыматка ылайык, Экологиялык жана техникалык көзөмөл кызматына шаардын түштүк тарабында автоунаадан коюу кара түтүн чыгып жатканы тууралуу жарандардан маалымат түшкөн. Анын негизинде кызматкерлер милициянын кайгуул