Кыргызстандан Кытайга айыл чарба өндүрүмүн экспорттоо 1,5 эсеге өстү
2026-жылдын январь–май айларында Кыргызстандан Кытайга айыл чарба өндүрүмүн экспорту 73,7 млн долларга жетип, өткөн жылдын ушул мезгилине салыштырмалуу 1,5 эсеге өстү. Бул тууралуу Айыл чарба министрлигин басма сөз кызматы билдирди.
Маалыматка ылайык, Министрлер Кабинетинин төрагасынын орун басары Эрлист Акунбеков Бишкекте өткөн кыргыз-кытай бизнес-форумунда аталган экономикалык көрсөтүчтү белгилеген.
Анын айтымында, экспортто кошумча наркы жогору азыктардын үлүшүн көбөйтүү үчүн чийки затты терең кайра иштетүү боюнча биргелешкен ишканаларды түзүү зарыл.
Министр Кыргызстан Кытай менен тамак-аш өндүрүшүн өнүктүрүү, ошондой эле муздаткыч жана логистикалык инфраструктураны түзүү багытында кызматташууга кызыкдар экенин белгиледи.
Белгиленгендей, биргелешкен долбоорлор Кытай рыногуна гана эмес, башка тышкы рынокторго да өндүрүмдөрдү сатууга багытталат.
