Экономика

Кыргызстандын табигый токой азыктары эл аралык рынокко жол алууда

Уулжан Бейшенбекова

02 сент. 2026 13:05

Токтогул токой чарбасынын директору Анарбек Солтоев Монголияда өткөн "Organic Expo-2026" эл аралык көргөзмөсүндө Кыргызстандын табигый токой азыктарын тааныштырды.

Токой кызматынан билдиришкендей, көргөзмөдө өлкөнүн таза өндүрүмдөрүн эл аралык рынокко чыгаруу жана жаңы өнөктөштөрдү тартуу мүмкүнчүлүктөрү талкууланды.

Иш сапардын алкагында Монголиянын адистери менен жолугушуулар өтүп, токойлорду туруктуу башкаруу, жыгач эмес токой ресурстарын пайдалануу жана кайра иштетүү боюнча тажрыйба алмашуу болду.

Белгиленгендей, иш-чара Кыргызстандын токой азыктарын чет өлкөдө жайылтууга жана эки мамлекеттин токой тармактарынын кызматташтыгын кеңейтүүгө жол ачты.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!