Кыргызстанга абердин-ангус породасындагы 300 баш асыл тукум мал алып келинди
Кыргызстанга 3% жеңилдетилген насыялоо долбоорунун алкагында абердин-ангус породасындагы алгачкы 300 баш асыл тукум мал алып келинди. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Бүгүн Министрлер Кабинетинин төрагасынын орун басары – министр Эрлист Акунбеков Аксы районунун фермери Замир Алиевге аталган долбоордун алкагында 40 баш асыл тукум уйдун күбөлүгүн тапшырды.
Долбоор фермерлерди сапаттуу асыл тукум мал менен жеткиликтүү баада камсыз кылууга жана мал чарбасынын генетикалык потенциалын жогорулатууга багытталган.
Асыл тукум мал түз алып келинип, фермерлерге 3% жеңилдетилген насыянын негизинде өздүк наркына жакын баада сатып алуу мүмкүнчүлүгү берилет. Быйыл долбоорду ишке ашырууга 1 млрд 200 млн сом каралган.
Жалпысынан Кыргызстанга 20 миң башка чейин асыл тукум мал алып келүү пландалууда. Кийинки этаптарда эт багытындагы малдан тышкары сүт багытындагы асыл тукум породаларды да алып келүү каралууда.
