Өлкөнүн мунай рыногундагы учурдагы абалы талкууланды
Бүгүн Министрлер Кабинетинин төрагасынын орун басары – Суу ресурстары, айыл чарба жана кайра иштетүү өнөр жайы министри Эрлист Акунбековдун төрагалыгы алдында калкты жана экономика субъекттерин күйүүчү-майлоочу материалдар менен камсыздоо боюнча жыйын өттү.
Өкмөттүн басма сөз кызматынан билдиришкендей, анда өлкөнүн мунай рыногундагы учурдагы кырдаал талкууланды. Жыйынга Энергетика министрлигинин, "АБанк" ААКнын жетекчилеринин орун басарлары жана мунай продуктуларын жеткирүүчү компаниялардын өкүлдөрү катышты.
Жыйындын жыйынтыгында күйүүчү-майлоочу материалдар менен камсыздоо боюнча мамлекеттик органдарга жана тиешелүү уюмдарга бир катар тапшырмалар берилди.
