Энергетика

Бишкектин ишканаларында электр энергиясын сарамжалдуу пайдалануу боюнча текшерүү жүргүзүлдү

Сапар Акунбеков

28 ноя 2023 13:40

2023-жылдын 27-ноябрында энергетика министринин орун басары Таалайбек Байгазиев коммерциялык объектилерди электр энергиясын сарамжалдуу пайдалануу боюнча текшерди. Бул тууралуу Энергетика министрлиги билдирди.

Такталгандай, текшерүү учурунда Бишкек шаары боюнча бир нече кафе-ресторандарда мекеменин ичинде да, сыртында да жарык берүүчү лампалар күйүп турган. Кийинки мекемеде ээлери имаратты жылытуу жана тамак-аш даярдоо үчүн газ колдонушат, электр казандары пломбаланган бирок, кардарлар жок болсо да бардык жайларда кондиционер, лампалар жана люстралар күйгүзүлгөн экен.

Бардык мекеме ээлери менен электр энергиясын сарамжалдуу пайдалануу жана максималдуу жүктөм болгон сааттарда керектөө режимин сактоо жөнүндө түшүндүрүү иштери жүргүзүлдү.

"Күн сайын энергетиктер электр энергиясын сарамжалдуу жана үнөмдүү пайдалануу боюнча түшүндүрүү иштерин жүргүзүп жатышат. Бирок, кээ бир керектөөчүлөрдүн жоопкерчиликсиз жана шалаакы мамилесин көрсөткөн сунуштарды баары эле аткара бербейт. Эртең менен жана кечинде максималдуу жүктөм болгон сааттарда керектөө режимди сактабай, энергияны көп талап кылган электр жабдууларын колдонгон болсо, анда ушундай керектөөчүлөргө катуу чаралар колдонулат. Жаратылыш ресурстарын сактоого ар бирибиз өз салымыбызды кошуп, акыл-эстүү керектөөчү болушубуз керек", - деп белгиледи Байгазиев.

Бишкек электр тармактар ишканасы абоненттерди электр энергиясын сарамжалдуу жана үнөмдүү пайдаланууга, электр энергиясын үйлөрдү, жайларды жылытуу максатында колдонбоого жана мүмкүн болушунча жылуулук менен жабдуунун альтернативдүү булактарына өтүүгө чакырат.

Мындан тышкары окуңуз

Жогорку Кеңештин депутаттары 2-6-ноябрь күндөрү аймактарда иштешет

28-октябрдагы Жогорку Кеңештин жыйынында «Кыргыз республикасынын Жогорку Кеңешинин депутаттарынын шайлоочулар менен иштөөсү жөнүндө» токтом долбоору каралып, кабыл алынды. Ага ылайык, эл өкүлдөрү 2-6-ноябрь күндөрү аймактарда шайлоочулар менен иштешет. Бул тууралуу Жогорку Кеңештин басма сөз кызматы кабарлайт. Буга чейин өлкө башчы, Садыр Жапаров Жалал-Абад облусунун бардык район

Нарында 146,7 чакырым жолго асфальт төшөлдү

2026-жылдын багынан бери Нарын облусунда 146,7 чакырым жолго асфальт төшөлдү. Ал эми былтыр бул көрсөткүч 96,2 чакырымды түзгөн. Бул тууралуу транспорт жана коммуникациялар министри Талантбек Солтобаевдин катышуусунда аталган аймактагы жол тармагында аткарылган иштер каралган жыйында айтылды. Маалыматка ылайык, быйыл титулдук тизменин негизинде бир катар жолдор асфальтталды. Мындан

Мырзаке – Кара-Кулжа – Алайкуу жолунун 72 чакырымы асфальтталды

Мырзаке – Кара-Кулжа – Алайкуу автожолун куруу жана жаңылоо иштери уланууда. Жалпы узундугу 138 чакырымды түзгөн жолдун 72 чакырымына асфальт төшөлдү. Бул тууралуу Транспорт министрлиги кабарлады. Маалым болгондой, учурда жолдун 54,4 чакырымында курулуш иштери жүрүүдө. Анын 24,5 чакырымында жер иштери толук аяктап, асфальт төшөө башталган. Бүгүнкү күнгө карата 6

7-8-ноябрдагы майрам күндөр - дем алышка туш келди: кызматкерлер кандай иштейт?

Кыргызстанда 7–8-ноябрь — Тарых жана ата-бабаларды эскерүү күндөрү. Бул күндөр мамлекеттик майрам болгону менен, мыйзам боюнча жумуш күндөрү болуп эсептелет. Бул тууралуу Социалдык-эмгек мамилелерин изилдөө борборунан (ЦИСТО) билдиришти. Борбордун түшүндүрмөсүнө ылайык, жумасына беш күн иштеген кызматкерлер үчүн 7–8-ноябрь кадимки дем алыш күндөрү болот. Ал эми