Кечээ Кочкор районунда темирбетон мамыларын чыгара турган ишкана ачылды
Энергетика министри Таалайбек Ибраевдин Нарын облусуна болгон иш сапарынын алкагында Кочкор районунун Чолпон айылындагы темирбетон курулуш материалдарын чыгаруучу цехтин ачылышы болду.
Министрликтин маалымат-кызматынын билдиришинче цехтин жалпы аянты 844,5 чарчы метр жана ишкананын сметалык баасы 42 млн 793 миң сом болгон.
Цехте жылыга 5,5 миң тонна СВ-95, СВ-105 жана СВ-110 үлгүлөрүндөгү темирбетон мамыларды чыгарууну пландап жатат.
Чыгарылган материалдар Кочкор районунун энергетикалык инфраструктурасын жаңылоого колдонулат.
