Майлуу-Суу шаарында 6 850 акылдуу эсептегич орнотулду
Майлуу-Суу РЭТинде күз-кыш мезгилине даярдык жана модернизациялоо иштери толугу менен аяктады.
Энергетика министрлиги билдиргендей, шаар боюнча 8 035 керектөөчү катталган болсо, алардын ичинен 6 850 турмуш-тиричилик абоненттери акылдуу эсептегичтер менен камсыз болду. Жаңы система эсептөөнү толук онлайн режимде жүргүзүүгө мүмкүнчүлүк берет, мындан ары тургундар электр энергиясын үйүнө кирбей эле төлөй алышат.
Мындан тышкары, электр тармагында төмөнкү оңдоо жана капиталдык жаңылоо иштери аткарылды:
50 трансформатор жана 170,5 чакырым аба чубалгылары техникалык тейлөөдөн өткөрүлдү;
10 трансформатор жана 6,7 чакырым аба чубалгысы капиталдык оңдоодон өттү;
44 эски жыгач мамыча жаңы темир-бетон мамыларга алмаштырылды;
126,96 чакырым трасса боюнча бутактарды кыюу жана бактарды тазалоо иштери аткарылып, коопсуздук камсыздалды;
1 жаңы КТП орнотулуп, 0,6 чакырым жаңы аба чубалгысы курулду.
Электр энергиясы боюнча суроолор болсо, күнү-түнү иштөөчү чалуу борборуна кайрылсаңыздар болот: 105, 1209, +996 772 001209, +996 702 001209, +996 556 001209 (WhatsApp).
