Аэропортто катталуу үчүн 45 евро төлөнөт – Wizz Air компаниясынын жүргүнчүлөрүнө эскертүү
Абу-Даби – Бишкек – Абу-Даби багыты боюнча жүргүнчүлөр онлайн аркылуу акысыз катталууга зарыл. Же болбосо аэропорттон 45 евро төлөөгө зарыл болот. Бул тууралуу «Манас» аэропорту эскертти.
Маалыматка ылайык, жүргүнчүлөр Wizz Air авиакомпаниясынын расмий сайтында акысыз катталууга мүмкүнү бар. Авиакомпаниянын шарттары боюнча учууга алдын ала катталбаган учурда, авиакомпаниянын шарттарына ылайык, аэропортто катталуу үчүн 45 евро төлөөгө зарыл болот. Аэропорттун каттоо жайларында акысыз онлайн каттоодон өтүү мүмкүн эмес.
«Эгер сиз учуу алдынан бир күн мурун сайтта онлайн түрүндө катталсаңыз, анда сиз басып чыгарылган талонду беришиңиз керек, же уюлдук телефонуңузга жол жүрүү документин (отургузуу талону) жүктөп алууңуз керек. Сиздин саякат документиңиз (отургузуу талону) сиздин учууга катталганыңызды тастыктайт.
Эгерде кандайдыр бир себептерден улам отургузуу талону көрсөтүлбөгөн учурда, авиакомпаниянын шарттарына ылайык, сиз онлайн каттоодон өтүп, бирок тастыктоочу учуу документтерди тапшырбасаңыз да, учууга катталуу үчүн аэропортто 45 евро төлөшүңүз керек», - деп аэропорттун маалымат кызматы эскертти.
Каттам транзиттик болгон күндө дагы, Бириккен Араб Эмираттарынын визасы болушу керек.
Эске салсак, Абу-Даби – Бишкек – Абу-Даби багыты боюнча каттамдар Wizz Air Abu-Dhabi авиакомпаниясы тарабынан жумасына үч жолу – шейшемби, бейшемби жана ишемби күндөрү аткарылат.
