Баткенде 10 км аралыкка таза суу тартуу долбоору башталды

Баткен шаарынын Чет-Булак жаңы конушуна «Дүйнөлүк эмират» кайрымдуулук уюмунун  колдоосу менен 10 км аралыкка таза суу тартуу долбоору ишке ашты. Бул тууралуу КРнын президентинин Баткен облусундагы ыйгарым укуктуу өкүлүнүн басма сөз кызматы кабарлады.

Маалыматка ылайык, курулуштун жалпы суммасы 75 миң долларды түзөт. Долбоордун алкагында 1000кубдук суу кампасын куруу да каралган.

Таза суу курулушун үч айдын ичинде,сентябрь айына чейин  бүткөрүү пландалган. Натыйжада Чет-Булак аймактык башкармалыгынын калкы 24 саат бою таза суу менен камсыз болот.

Курулушка Баткен шаарынын жергиликтүү бюджетинен да 3млн сом каражат ажыратылган.