Кыргызстанда пакеттердин жүгүртүүсү чектөөгө алынды
2023-жылдын 29-июнунда Жогорку Кеңештин депутаттары «КРнын аймагында полимер пленкасынан пакеттерди жүгүртүүнү чектөө жөнүндөгү» жана «КРнын укук бузуулар жөнүндө кодексине өзгөртүүлөрдү киргизүү тууралуу» мыйзам долбоорлорунун топтому колдоп беришти. Бул тууралуу парламенттин маалымат кызматы билдирди.
Долбоордун демилгечи Жогорку Кеңештин депутаты Марлен Маматалиев болуп чыкты. Мыйзам долбоору полимердик материалдардын ден соолукка жана айлана-чөйрөгө зыяндуу таасирин азайтуу максатында иштелип чыккан.
Тагыраагы, мыйзам долбоорлору аркылуу КРда полимердик материалдардын ден соолукка жана айлана-чөйрөгө зыяндуу таасирин азайтуу максатында полимерден жасалган бир жолу колдонулуучу таңгак пакеттерин импорттоого, өндүрүүгө жана сатууга тыюу салууга багытталган чектөөчү чараларды киргизүү каралууда.
Мындан сырткары, мыйзам долбоору полимер материалдарынан оромдоочу пакеттерди ташып келүүгө, өндүрүүгө, сатууга жана соода жана тейлөө чөйрөлөрүндө акысыз берүүгө мыйзам тарабынан белгиленген тыюуну бузгандыгына жоопкерчилик чараларын белгилөө жолу аркылуу, полимер материалдардын Кыргыз Республикасында ден соолукка жана айлана-чөйрөгө зыяндуу таасирин кыскартуу максатында иштелип чыккан.
