Таласта көйгөйлүү көчөлөр оңдолууда

Таластын башчысы Эрмат Джумаев жолдорду оңдоо иштеринин жүрүшү менен жеринен таанышты. Бул тууралуу мэриянын маалымат кызматы билдирди.

Анда мэр Эрмат Джумаев тийиштүү мекеме, ишкана жетекчилеринин бул жаатта  жоопкерчиликтүү ишин баса белгилеп, аткарылып жаткан иштердин сапатына жана мөөнөтүндө бүткөрүүгө өзгөчө көңүл буруу, ошондой эле айрым мүчүлүштүктөрдү  тезирээк жөнгө салуу тапшырмасын берди.

Учурда шаардын жамап-жасоого муктаж көчөлөрүнө  тийиштүү техникалар ишке тартылып, оңдоп-түзөө иштери жүрүп жатат.