Коом

Салык кызматы мыйзамсыз жүгүртүүдөн 53 тонна күйүүчү май тартып алды

Сапар Акунбеков

28 июль 2023 13:20

Салык кызматынын кызматкерлери Чүй жана Ош облустарында рейддик салык контролун жүргүзүүдө мунайзаттарды мыйзамсыз сактоо, алып өтүү жана сатуу фактыларын аныкташты. Бул тууралуу мекеме билдирди.

Жалпысынан мыйзамсыз жүгүртүүдөн 53 миң 260 литр күйүүчү май тартып алынды. Тактап айтканда, Ош облусунун Өзгөн районундагы май куюучу жайдын аймагынан Салык кызматынын контролдук пломбасы өз алдынча алынган 36 миң 260 литр көлөмүндөгү дизелдик отун ташыган автоунаа табылган. "ЭТТК" системасына ылайык, бул продукция Жалал-Абад облусунун Таш-Көмүр шаарындагы кампадан Нарын облусунун Жумгал районуна жеткирилиши керек болчу, андыктан Ош облусунун Өзгөн районунун аймагында болбошу керек болчу.

Чүй облусунун Москва районунда күйүүчү майларды сатууга жана сактоого уруксат берүүчү документтери жок май куюучу жайлар орнотулуп, анда 11 миң литр мунайзат продукциясы катталган.

Ошол эле райондо күйүүчү материалдарды сатууга жана сактоого уруксат берүүчү документтери жок отун таратуучу колонна табылган. Текшерүү учурунда колоннада 6 миң литр күйүүчү май болгон.

Мыйзам бузуулардын материалдары юридикалык баа берүү үчүн прокуратурага өткөрүлүп берилди.

Салык кызматы бардык ишкердик субъекттери тарабынан салык мыйзамдарынын ченемдери сакталышын камсыз кылуу максатында, мунайзаттарды мыйзамсыз сактоону жана сатууну аныктоо иштерин улантууда.

Мындан тышкары окуңуз

Улуттук банк ислам каржылоосунун эрежелерин өзгөртүүнү сунуштады

Улуттук банк ислам каржылоосу боюнча иштеген банктарга жана микрофинансылык уюмдарга коюлган талаптарды өзгөртүү боюнча токтомдун долбоорун коомдук талкууга сунуштады. Тиешелүү токтом долбоору банктардын “ислам терезелеринин” ишин өркүндөтүүгө жана мурабаха бүтүмдөрүн жөнгө салуучу эрежелерди мыйзамдарга шайкеш келтирүүгө багытталган. Документ 2026-жылдын 8-июнунда кабыл алынган №85 мыйзамга ылайык иштелип чыккан. Анын

Кызыл-Кыяда калктын 33 пайызы көмүр менен камсыздалды

Кызыл-Кыя шаарында кышкы жылытуу мезгилине калкка 9000 тонна көмүр керектелсе, учурда анын 33 пайызы камсыздалды. Бул тууралуу бүгүн облустук өкүлчүлүктөн маалымдады. Билдирүүгө караганда, шаарда 100454 турак жай болсо, анын 27 пайызы камсыздандырылган. 19-октябрда президенттин Баткендеги өкүлүнүн орун басары Абдирашит Ташбалтаевдин жетекчилигинде бир катар объекттердин кышка даярдыгы жана көмүр

Кыргызстанда жүгүртүүдөгү акчанын көлөмү 29,6 млрд сомго өстү

2026-жылдын 1-октябрына карата Кыргызстанда жүгүртүүдөгү акчанын жалпы көлөмү 324 млрд сомдон ашты. Бул өткөн жылдын ушул мезгилине салыштырмалуу 29,6 млрд сомго же 11,2%га көп. Бул тууралуу Улуттук банктан билдиришти. Маалыматка ылайык, жалпы сумманын 30,9 млрд сому коммерциялык банктардын кассаларында болсо, 293,1 млрд сому

Улуттук банк: 3 алмашуу бюросунун лицензиясы токтотулуп, 1 уюмга айып пул салынды

Улуттук банк мыйзам талаптарын жана ченемдик укуктук актыларды бузгандыгы үчүн үч акча алмаштыруу бюросунун лицензиясын убактылуу токтотуп, беш уюмга жалпысынан 275 миң сом айып пул салды. Улуттук банктын маалыматына ылайык, төмөнкү алмашуу бюролорунун лицензиялары убактылуу токтотулду: * BTK Group ЖЧКсы — Бишкек шаары. Лицензиясы 2026-жылдын 10-октябрынан 24-октябрына чейин токтотулган;