Кыргызстанда 100 миңге жакын жаран жашоо минимумунан төмөн пенсия алат. Бул тууралуу маалымат жыйынында Соцфонддун төрагасы Бактияр Алиев билдирди.

Анын айтымында, азыркы учурда пенсионердин жашоо минимуму 6 миң 813 сомду түзөт.

«Социалдык фонд пенсияларды эмгек стажына жана төлөнгөн камсыздандыруу төгүмдөрүнө жараша эсептейт. Көпчүлүк учурда эмгек стажы — 5-7 жылды түзгөндөрдүн пенсиясы аз болот. Бул багытта иш жүрүп жатат. Биз 1-октябрдан тарта Жогорку Кеңешке мыйзам долбоорун киргизебиз, эгерде депутаттар аны колдоп беришсе, аталган пенсиялар да жогорулайт. Минимум 5 жылдык иш тажрыйбасын киргизүүнү пландап жатабыз. Эгерде 5 жылдык эмгек стажы болсо, анда автоматтык түрдө 3 миң 170 сом төлөй баштайбыз», - деди Алиев.